黃佩霞的家庭成員，包括她與英籍前夫所生的6歲女兒Camelot、美籍丈夫RyanBlair和他跟前妻所生的10歲兒子Zanskar，一家人平時大多以英語溝通。究竟這半唐番家庭的生活習慣怎樣？黃佩霞說：「Ryan喺19歲就嚟咗香港讀書，然後一直留低工作同生活。Zanskar都係喺香港出世，佢讀過幾年小學，都講得一口流利廣東話，囡囡Camelot𠵱家讀普通小學，我想佢學多啲中國文化，基本上我哋平時一家人生活都好中國化。」
黃佩霞舉例一家四口晚飯必定會用筷子，尤其注重小孩在餐桌上的禮儀，她說：「佢哋用筷子食飯，我唔准佢哋用筷子指住人，咁係好冇禮貌。對於傳統中國節日，好似新年要講吉祥說話等等，我哋都會遵守。」