據說，在各式各樣的「培訓課程」裏，「親子課程」是棵常青樹。
一大幫的有為青年，做人父母之後，花了錢，去聽「親子講座」，細心聆聽「專家」意見。台上專家說一句，台下眾頭點一下，有的還做筆記，如奉綸音玉旨，覺得這錢花得太值。
台上「專家」講完，台下「學生」還會提問：「請問，我個仔今年三歲，成日唔肯食飯，話極唔聽，有乜嘢解決方法呢？」
「專家」沉吟兩秒鐘之後回答：「教細路最緊要要有耐心，不可以大聲話佢，咁會引起反效果，適得其反，同時，又唔可以話得太重，令佢產生反抗情緒，比如講，佢唔肯食飯，你就要耐心啲，同佢解釋──」台下眾生，又一片「哦」，一片點頭。
又有提問了：「請問，我個女兩歲半啦，成日坐唔定，每次食飯都唔肯坐定，周圍走，要個工人端住個碗跟住喺後面追住，一路追一路餵，請問點樣可以解決呢個問題呢？」
「專家」面露智慧式笑容：「首先，你要明白……當你明白了呢個道理之後，跟住……咁樣係唔得嘅……於是……咁樣佢就開始明白……用咁樣嘅方法如果再唔得，可以試吓換一種方法，首先……」
參加「親子講座」的，不乏中產階級，有律師有會計師有……師，他們的疑問，其實我可以明確地幫忙解決：「你個仔唔肯食飯，唔緊要，餓佢兩餐，佢自己撥來食。你個女食飯成日亂咁走，唔怕，餓佢兩餐，自己坐定嚟食！」
我這種「實戰教法」一定有效，但賺不到那幫「親子心切」的中產階級的錢，因為我不會說：「首先，你要明白……咁樣……然後……」