林子祥、陳奕迅及林苑等前晚於尖沙嘴文化中心出席新戲《野．良犬》首映，阿Lam透露近日忙於與梁詠琪拍新戲《女人本色》，二人飾演夫妻及有親熱戲份，他說：「拍出嚟幾到肉㗎。」阿Lam又謂之前在紅館跌落台致耳仔受傷，會影響拍戲，他說：「都冇法，要花多啲時間針灸，每次都要拮好耐，好辛苦。」
阿Lam謂稍後為杜麗莎演唱會任嘉賓後，便會到瑞士找西醫研究做激光手術，他說：「醫生話要喺鼻哥裏面開刀，用激光治療會有效，針灸要半年至一年先可能會有效。」陳奕迅表示在戲中與小童星文俊輝有對手戲，他說：「同小朋友做戲好難，好彩佢埋位時好乖，休息時先特別百厭，要鬧要𠱁，佢阿媽喺度我都唔畀面照鬧㗎。」
採訪、攝影：張俊銘