英超踏入復活節，意味已進入直路階段，肯定會降班嘅屈福特，盡努力打埋餘下賽事；至於車路士，聯賽冠軍已係次要，應放眼歐聯同足總盃，今晚一於要入球細兼小勝屈福特1:0！
先講主隊屈福特，降班前，球員誓必搏盡，原因只有一個：希望來季可以繼續喺英超球會踢波。餘下賽事打好啲，加盟其他球會，所以，今晚車路士未必易踢。至於客隊，進攻重心林柏特，狀態麻麻，見到謝拉特搶咗自己英格蘭中場位置，當然心有不甘！作為佢嘅球迷，客觀講，佢踢波似工廠工人，交足功課，不過創意不足；反觀謝拉特，總會有驚喜！兩人水平，睇英格蘭國家隊已得知一二！
今晚，我估林柏特應該會盡顯身價，一洗過去頹風！而整體來講，車路士高幾班波，又有波歷克幫手，林柏特要有首名入球，相信唔難！當然，下周有歐聯生死大戰對華倫，同樣係我嘅愛隊，大家必定留力，讓球主客和「和」應該幾穩陣。
周鵬
商業1台《球迷集中贏》主持
電郵：[email protected]