上周匆匆回港的楊紫瓊（Michelle），日前飛抵布拉格，並於當地接受本地傳媒越洋電話訪問，暢談她與舊拍檔、日本男星真田廣之再度合作的感受。Michelle又自爆早前向英國導演丹尼波爾（DannyBoyle）自薦拍《太陽倒數》（Sunshine），結果對方為了她而更改劇本。
楊紫瓊現正身處布拉格，籌拍美、法合資的科幻新片《BabylonA.D.》，前日她抽空接受越洋電話訪問。Michelle與真田廣之最近合作拍攝電影《太陽倒數》，其實二人早在86年已合作過港產片《皇家戰士》，如今再度合作，問她感到有何分別時，Michelle即時大笑說：「嗰陣已經係86年，𠵱家大家都大個咗，因為都係老朋友，再次合作好有默契，所以今次我哋拍得好開心。」
與史匹堡斟洽合作
Michelle又自爆英國導演丹尼波爾（DannyBoyle）為了她而修改《太陽倒數》的劇本，她說：「兩年前我經過倫敦，拜會丹尼導演，佢嗰陣已經同編劇寫緊《太陽倒數》，原本冇諗過搵亞洲人演出，因為我向佢自薦，佢就修改劇本，令到成個故事變得好國際化。況且我本身係科幻片嘅fans，好鍾意睇《星球大戰》（StarWars）、《異形》（Alien）同《Solaris》，能夠拍科幻片真係好！」
放了不少時間接拍西片的Michelle又透露：「上年喺影展上我跟佐治魯卡斯（GeorgeLucas）同史提芬史匹堡（StevenSpielberg）傾過合作《奪寶奇兵》第四集（IndianaJones4），又傾過演出《盜墓迷城》第三集（Mummy3），不過未落實，成事嘅話都有機會同李連杰合作。」Michelle又稱她在周潤發有份參演的荷李活片《苦海》（TheChildrenofHuangShi）中純粹客串演出。
採訪：戶川淳
