蘋果〈超級波經〉隆重登場，當中呢個新版喺今個球季餘下日子，就由小弟逢周六日同大家講吓心水。頭威頭勢，推介全日重心投注，巴塞隆拿「主勝」。
小弟浮沉賭海廿多年，最巴閉算係94年贏過全港馬評家挑戰賽季軍，得到零用金同去英國嘅機票，有幸見識到英國人如何視博彩為消閒娛樂。其實當時馬評家挑戰賽玩法簡單，只係每個賽日推介一場獨贏，最後全季累積獎金多者勝出。自己亦因此深深感受到，想贏就一定要撥開花多眼亂嘅場次，同五花八門嘅玩法。
主隊以逸待勞秤先
足球博彩成大勢所趨，但莊家瘋狂開盤，務求做到總有一個時段氹到你落注；所以大家想贏錢，先要做到唔熟唔賭。由朝賭到晚，同過大海磨爛蓆冇分別。求神借庫，不如靠自己！
首日開張，口水多咗啲，講番貼士，你有耐性，信我賭聽朝4點開波嘅巴塞贏拉科兩球開「主勝」；國際賽後，今明兩天心水會放晒喺主場球隊，起碼一眾球星免卻舟車勞動之苦。巴塞歐冠盃已出局，唯有全力在聯賽爭霸；樣貌與剛看過嘅電影〈阿波卡獵逃〉男主角「黑豹掌」有七分相似嘅「細哨」朗拿甸奴，係時候要講，「呢度係我嘅魯營（森林），我會一直喺度入波（打獵）嘞！」
重心出擊
讓球主客和
巴塞隆拿「主勝」
蘋果波神
狂迷英國波，尊崇雲格；成與敗，視乎你是否找到真快樂！