日本人氣偶像松山研一灰色軍團到港！呢隊軍團隸屬本地服裝品牌2%嘅HommeLineth：+，今季07S/S玩盡黑白灰嘅Military元素，但又不失英國紳士嘅風度翩翩，兩極化得來好襯松山，既有《死亡筆記》偵探阿L嘅頑強性格，但佢真人就係個儍氣有禮大男孩，所以佢話雖然今次同海外品牌合作，但都好夾好舒服。梗係喇，仲有大師級攝影野口貴司影到咁型仔，呢個人氣組合夠晒矚目。
記者︰劉昱蘭
攝影︰譚盈傑
松山研一最愛黑白灰
日本名牌多，街牌新貨更多，但松山依然好欣賞本地th：+嘅衫款夠特別，好似佢身上灰色嘅西裝外套，佢就話中袖設計喺日本好少見，佢一見到就好鍾意。講起個人Style，身形瘦削嘅佢最愛窄身款式，以前佢着衫啲色好齋，非黑即白，所以今季th：+啱晒佢杯茶，而今次為影相着多咗灰色，發現灰色都好襯佢，黑白灰就自此成為佢最愛三寶。
名攝野口貴司瓣瓣掂
為松山操刀攝影嘅野口貴司，松山大讚佢專業無架子，其實野口10年前已經紅透日本同揚名世界，近呢兩年除咗有幫2%影相，仲係佢嘅創作總監，更試過為新Line做埋模特兒，幕前幕後都撈晒。提起野口，一定會諗起日本名模今宿麻美，因為野口係佢嘅御用攝影師。今季嘅＋－×÷佢哋再次合作，仲擦出終極火花……
今宿麻美終極底線
＋－×÷搵今宿做代言人都做慣做熟，今年終於忍唔住要搞啲新噱頭，第一次走埋一齊推出寫真集，照睇呢個Fashion組合，本來就應該畀衫嘅Styling相大家睇，但相信Fans們睇到終極兩個字，會想今宿一貫的「自然風」Sexy風格，加埋佢同野口嘅新火花有幾徹底。
阿爾卑斯山冰凉感覺
言歸正傳睇番啲衫，＋－×÷要帶大家從IcyGlasses嘅通透琉璃，走入阿爾卑斯雪山搵冰涼感覺，用咗偏藍和灰色嘅調子，加埋尼龍光面、雪紡等材料，有一種透心涼嘅感覺。
少女系列嘅ODF今期大玩Playful，色彩繽紛配搭大膽得嚟，又有少少波點、洗水懷舊Feel。波點上衣格仔短褲，呢個Look夠晒懷舊。底背心$148、面背心$168、藍白格仔短褲$298
「SaturdayNightFever─六零狂熱」以60年代的美國為藍圖，突出的塑膠裝飾、PopArt、閃片、彩珠的襯托下，帶你去燈光銀影下的Disco時空。上身Top及背心（售價待定）、牛仔褲$438
灰色主題，Bottom加入如冰一般嘅硬線條設計。灰色背心$249、深藍裙褲（售價待定）
話明要玩顏色，牛仔裙尾唔會浪費都可以好搶眼。底橫間Tee$168、面純白Tee$188、牛仔裙$298
售賣點：
2%（25766900）
銅鑼灣怡和街60-62號地下