小弟賭波多年，一向鍾意專攻讓球，首先贏輸得兩瓣，簡單直接；最主要原因係抽水比較少，起碼平注買都「襟」玩啲。
今日推介韋斯咸上盤；嚟到聯賽尾聲，戰意決定一切，韋斯咸呢班波要護級，一分都不能少；上仗作客贏布力般，當「符碌」都好，起碼作客開齋，前鋒泰維斯越入越順。相反今場作客嘅米杜士堡，足總盃出局後今季基本上等於完結；聯賽又不愁護級，要打上前6踢來季歐洲賽又有困難；今仗冇必要攔路，阻韋咸救亡，淨講戰意，韋咸都讓得起平/半啦。
讓球：韋斯咸（上盤）
心得：打真軍vs風流波，梗捧韋咸
牽牛
精通各種賭法，發覺賭「讓球」先係王道，每日一棍希望有得發。