若非03年23條立法前臨陣倒戈，田北俊或者不會人氣急升，04年立法會新界東直選，或許也不能以票王姿態跑出。23條立法，紅了7.1遊行，也紅了田北俊。
「嗰陣要喺一星期內做出一個咁大嘅決定，確實係自己政治生涯中最大決定。」7月1日50萬人上街後，身兼行會成員的田北俊秘密訪京，向中央痛陳利害；返港後與特區政府斡旋，最終決定站在民意一線，請辭行會迫令政府擱置立法。
最終他成功了，卻換來「反骨」和「出賣政府」的指控。田北俊反駁說：「中央政府至今，從來冇任何官員對我講話：『你錯喎，我哋好唔認同你噃。』有意見嘅通常都係其他人。我由始至終都冇後悔過。」
04年由功能組別跳至零經驗的直選戰場，是他從政生涯的另一大關口。「工商界都要得到普羅大眾支持，咁先叫參政㗎。」