賭波唔應該涉及私人感情，但對隊波冇感情，就算贏咗都好似差少少。所以，始終鍾意賭荷蘭波，一來熟啲，二來贏咗波之後都有feel啲。今次推介兩支荷蘭強隊阿爾克馬爾（AZ）同埋燕豪芬贏波，其中AZ迎華域克[-1]更「主勝」穩開。
筆者認為AZ係一支好可愛嘅球隊，因佢哋場場去，唔駛左度右度，唔怕佢哋喺下周四喺歐協盃要大戰不來梅，相信今役可輕取華域克。畢竟，荷蘭波係強隊天下，弱隊少反底，既然上輪聯賽連場爆冷，今輪戰果應該正路得多。
讓球主客和：阿爾克馬爾「主勝」
心得：AZ場場去，唔使左度右度
吾中
鍾情丹麥、荷蘭嘅大聯盟女神，可惜馬會仲未開美國波。