坐咗差唔多13個鐘頭飛機，終於嚟到第一個轉機地點——德國慕尼克，本來坐飛機坐到屁股痛，但仲要等多3、4個鐘轉機去目的地西班牙Valencia，真係都唔知點Hea好。
話雖如此，一眾香港傳媒少不免總要喺機場入面周圍蕩，睇吓人哋個機場有啲咩睇、有啲咩買都好吖！不過可能我哋晨早6點幾就到達，好多店舖都仲未開門，搞到我哋齋「WindowsLooking」，咩都無得買無得玩！不知不覺間閒蕩晒成個德國機場，最大收穫係睇到Benz最新嘅C-Class廣告布滿四周，可能因為慕尼克係屬於德國一部份，而廠方又想來自其他國家嘅旅客，都知道新一代C-Class已經推出，所以先喺機場度大賣廣告啦！
記者、攝影：鄭達基