剛認離婚的陶大宇與郭羨妮在《學警出更》一劇中，因主動加演激情咀戲被傳戲假情真。昨日有《學》劇幕後人員爆料，指當晚兩人拍咀戲後曾雙雙失蹤三小時，令緋聞更耐人尋味，咀出大頭佛的大宇連日雖然工照開，但不時對記者發晦氣，只是當提到郭羨妮被稱為狐狸精時則感心痛。
陶大宇和前妻黃慧寶（阿寶）七年婚姻玩完，被阿寶指為第三者的郭羨妮，因與大宇合演劇集《學警出更》戲假情真，兩人臨場主動要求加演激咀戲，令緋聞傳得甚囂塵上。有該劇幕後人員昨日爆料，指當晚大宇和郭羨妮拍攝咀戲時非常肉緊，在場工作人員都發覺「唔對路」，只是想不到兩人激吻後，竟雙雙失蹤三小時。
失蹤有前科
對於大宇和郭羨妮咀後曾神秘消失，《學》劇監製黃偉聲昨日接受記者電話查詢時說：「據我所知冇咁嘅事，成晚戲得佢哋兩個，如果唔見幾個鐘唔會拍得晒，但嗰晚係拍得晒。」不過郭羨妮拍劇瘟仔失蹤有前科，00年她和緋聞男友古天樂北上拍攝《尋秦記》，女方曾離奇失蹤16個鐘，事後被踢爆原來一直留在古仔房中。
昨日大宇則對加插激咀戲一事不置可否，只稱是劇情需要，但其心情明顯麻麻。昨早他和蘇玉華先後在奧海城一間鑽飾店及中環行人天橋拍攝新劇《和味濃情》外景，記者跟他做訪問，他即時面燶。提到監製直認是大宇和郭羨妮主動提出拍咀戲，大宇只冷淡說：「咁就唔知啦。」問他有否致電阿寶？他嬲爆爆說：「唔關你事！」再問他有否睇報紙？他說：「唔睇，呢啲嘢唔可以強迫我！」
直認心情差
至下午，大宇轉往觀塘一壽司店工場拍戲，其時他已收火，心情回復平靜，問他知否有傳郭羨妮被飛出新劇《第三類暗戰》？他說：「唔知，都唔擔心，樂小姐（無綫高層樂易玲）好公平嘅。」但他直認心情欠佳，他說：「唔開心有少少，因為離婚問題，離婚責任喺我度，𠵱家是是非非一定有，Sonija（郭羨妮）被人用狐狸精呢啲字眼都控制唔到。」
其實前晚大宇跟惠英紅和秦沛在跑馬地拍攝《和》劇時同樣𤷪𤺧，他8時多收工即坐的士返母親海怡半島寓所，他落車時見有採訪車尾隨，即怒氣沖沖對記者說：「齊人未？唔想嚇親街坊呀！」至於郭羨妮昨日足不出戶，阿寶則未有接聽電話。
採訪、攝影：娛樂突發組
