最近喺屋企有錢都冇波睇，因為一啲合約問題，「畸寶」及「鬧」暫時離我而去，情況起碼持續到下周。電視台得番5個，4個唔使錢，加大廈閉路電視，悶到抽筋！
今日情況一樣，但連場歐洲聯賽當前，吸引力又唔同早前部份球隊hea住踢嘅國際賽，幾大搵人搵地方度掂佢！最衰聽日要返早，今晚睇嚟都係得早場波至有得睇住賭嘞，就撐阿仙奴早場受讓「紅軍」贏盤。「兵工廠」最近一班主將陸續宣告因傷收「咧」，但今季都唔係第1次賽前處逆境而最後贏波，況且呢啲大戰，邊有得讓？
讓球：阿仙奴（下盤）
心得：呢啲波，邊有得讓？
華度
貼士嘅嘢，邊有實贏？睇相佬就話我有運行，冇點你！