坦承離婚的陶大宇昨日繼續拍攝新劇《和味濃情》，開工時間本為下午3時，但他竟遲到一個多小時才抵達銅鑼灣外景現場，令同劇的秦沛和韋家雄等人呆等。郭羨妮昨日自爆接獲大宇來電慰藉，對此大宇說：「因為同佢講唔好意思，佢接受咗我道歉。」
「呢啲由人誤會」
對於郭羨妮表示不明白為何被大宇前妻阿寶指是第三者，大宇說：「好多人都問我點解，唔好再番轉頭問啦。」不知大宇有否向阿寶詢問原因？他說：「我冇問，唔想知原因，唔理呢啲嘢啦。」其後大宇愈說愈模稜兩可，有人提到他不跟郭羨妮講清楚，可能會令對方以為他愛上自己，大宇竟說：「呢啲由人誤會，人哋寫乜控制唔到，總之要回應嘅回應咗，我嘅任務已經完成咗，唔想愈描愈黑，𠵱家畀心機做嘢。」再問二人有否發展機會？他竟說：「我都唔知點答，唔答啦，你哋話事啦。」
郭羨妮昨日獲無綫明撐，大宇則要黯然開工，但他得悉郭羨妮被撐不禁說：「咁就安樂晒。」雖然他未獲無綫撐腰，仍說：「冇乜所謂，呢啲時候最好做好自己事。」而記者至昨日截稿前仍未能與大宇前妻阿寶取得聯絡。
採訪、攝影：娛樂突發組