REDWING背負着100年的歷史，多年不變的Signature鞋款長賣長有。近年雖不及10年前木村效應之勢，但喺日本依然受歡迎。以為佢唔志在香港市場？NoWay，「紅翼」已準備好進軍中國市場，皆因一眾揸Fit人深知「100%美國製造」夠馨香，國內同胞就係Buy佢夠傳統，難怪CEO打出「100年不變宣言」，誓成為鞋界中的ROLEX，永遠長青！
記者：許維雅
攝影：楊錦文、周旭文
下個100年都不變
蘋果：來港主要目的是甚麼？
RW：我哋成日坐在美國那邊，根本就好難了解客人同店舖真正需要。今次行程包括日本、香港及中國，最有效開拓市場嘅方法就係落舖視察，同店員、客人溝通。
蘋果：你知日本明星Kimura（木村）係邊個嗎？
Dave半皺眉大叫：邊個嚟㗎？（Mark始終較了解市場，想了一會就如夢初醒）哦！嗰個成日着REDWING嘅日本明星，10年前一着令REDWING喺亞洲區大紅，佢着得好好睇。
蘋果：有覺得木村之後，REDWING有回落之勢嗎？
RW：我哋係Classic永恒品牌，銷量一直好好。REDWING有長青、永恒形象，我們只希望在市場上保持一定地位，唔希望佢成為一個Trend、一個潮流。品牌喺香港已經有很多人認識，我們希望將呢個訊息帶入中國。事實上內地人對RW好有興趣，事關100%製造的美國鞋實在不多。
其實RW即使鞋上沒有任何Logo，別人都能夠一眼認出。我亦希望可以保持呢個形象到永遠，所以REDWING絕對係100年不變嘅品牌。不過，我們亦明白在市場推廣上要帶來新鮮感，才可以令業務增長，「Makeitfresh，butneverforgetwhoweare！」係我們嘅宗旨。
蘋果：你意思，係REDWING建立出來嘅形象就好似鞋界嘅Rolex一樣，外形不求大變，只求品質好而長青？
3個大老闆大叫：Good！Right！我哋好喜歡Rolex呢個比喻！Bequality、GreatService係品牌大前提，喺工業上及潮流上取得雙線嘅發展，係公司長遠嘅大計。（REDWINGCEODave拍心口保證REDWING即使到第2個100年，品質、外形都永遠不變。）
07新貨
格仔布Lumberjack最搶！
用上格仔絨布作配襯的Lumberjack系列，與美國早前跟WOOLRICH的Crossover版十分相似，可能之前Crossover效應之下，因反應熱烈而設計的新款。
欖球系列
以HorweenLeathers欖球設計為藍本的GentlemanTraveler系列，皮料更靚更耐用，款式較重男人味。
其他款式
同屬新設計的Lineman系列，驟眼看似跟Classic系列分別不大，實質係在車線技術上作出些少改變，令鞋形更貼身。
長Boots形的Engineer系列，更能顯示用料屬一級靚牛皮，款式最適合Biker迷用家。
長青的Classic系列，每個潮人家中必備的一對，變化上就只有在顏色及皮料之上，着一世都唔會Out。
香港代理：Productsellbyitself！
蘋果：你一向從事能源業務，點解當年會代理RW？
Lawrence：我由1984年開始做RW代理。當初去美國海洋石油台考察，見所有員工都穿REDWING，發覺美國有對咁正嘅工業鞋。雖然未做過代理，但有好嘢就梗係自己攞番嚟做。
蘋果：會不會因為唔在行，所以品牌似乎略欠宣傳？
Lawrence：當初見RW係一對好功能嘅工業鞋，再加上80年代係能源工業發展年代，覺得有好大商機，現今有國內中石油好多員工都着緊！到90年代，RW喺日本大紅、木村拓哉着住拍《LoveGeneration》掀起熱潮，我覺得可以將佢打造成LifestyleFashionShoes。雖然我唔在行推銷Fashion，但我始終都係生意人，一定會宣傳。不過希望揀選適合對象同場合，唔想太HighProfile。我相信RW係因為佢嘅品質，Productsellbyitself！
蘋果：RW曾經有專門店，但現在全部由潮舖分銷，會重開專門店嗎？
Lawrence：有。日本最近開咗間Pro-shop專賣Accessories，如皮帶、袋等，反應好好。我正努力向美國爭取喺香港開一間，好快會成事。以前淨係賣鞋，的確單調咗啲，今次加埋其他Accessories，必定吸引好多！
隆重宣布Pro-shop快將開幕
日本已率先開了專賣Accessories的Pro-shop，香港亦正密鑼緊鼓籌備。Lawrence話要等美國安排，但佢就搶先由日本買了一個方形皮袋，希望了解REDWINGaccessories的市場，在港發售的潛力。Lawrence：「好多人一見到我個袋，就問邊度有得買！」我都好心急香港可以快些開到專門店。
店舖查詢：
REDWING總代理（27701399）
旺角上海街426號萬事昌中心3字樓
同場加映！紅翼副線
REDWing總公司另有3條副線，包括行山鞋聞名的VASQUE、針對餐廳業務功能特強的WORX及打獵專用的IrishSetter。香港代理亦有將前兩者引入香港。
VASQUE爬山鞋
最新設計的扭掣式鞋帶，免除在高山上綁鞋帶的煩惱。高筒形行山鞋適合上雪山時穿用，10月會同時推出扭掣式的跑步鞋款。（售價待定）
WORX防滑
破天荒設計的星星吸盤鞋底的AllStarGrip系列，方便經常站立的工作業務，如酒店及餐廳，星星吸盤更有防滑及糾正站立姿勢功能。（售價待定）
