時間：97年4月6日
活動：《打橫嚟講》
人物：彭丹
經過：藝人為咗爭取曝光率，成日要喺鏡頭前出奇制勝，有「波神」之稱嘅彭丹最令人難忘嘅，除咗佢識做一字馬之外，就係識得玩拱橋。
彭丹自幼接受體操訓練，骨架柔軟度好高，記得佢97年4月應邀出席林敏驄主持嘅《打橫嚟講》棟篤笑騷，彭丹幫佢伴舞，阿驄梗係唔放過機會，攞佢嘅驕人身材嚟開玩笑啦，仲要佢做拱橋娛樂觀眾。最初彭丹唔肯做，阿驄就用激將法話：「你係咪硬咗，屈唔到？」彭丹反駁：「硬嗰個係你，唔係我。」彭丹講完即刻喺台上做拱橋，佢先屈膝跪低，再拗腰雙手向後彎，挺起咪咪，猶如兩座山丘座落胸前，動作亁淨利落，台下觀眾睇到拍爛手掌，成為全晚嘅高潮。
雖然大家好懷念彭丹嘅身手，不過佢近年已經好少喺香港露面，舊年底佢喺上海拍部以斷背情做題材嘅電影《除卻巫山》，彭丹扮演女作家，同女大學生相戀，兩女有唔少親熱鏡頭，彭丹又可以乘機大賣身材嘞。
本欄逢周一至周六刊出