富咸近況唔係好，所有賽事已經5場不勝，其中3場仲喺主場作賽；不過，睇番呢3場主場不勝對手，分別係喺足總盃對住今季踢盃賽上晒身嘅熱刺、以及聯賽迎曼聯及阿士東維拉，維拉嗰場打和1:1。相信今日來訪嘅樸茨茅夫，整體質素唔算好得過維拉幾多，而且富咸仲爭少少分至可以宣告護級成功，即管又向1:1呢個波膽埋手。
曼城翻冧2:0值博
曼城呢班波，都算今季英超幾估佢唔到嘅球隊之一，聯賽主場輸畀韋根及雷丁等實力較次對手，上仗作客去到連車路士、阿仙奴及利物浦都唔能響勝鼓嘅米杜士堡河畔球場，竟然開個2:0勝果，兼打斷米堡主場聯賽6場不敗走勢。今周末曼城返主場對紐卡素，話晒紐記又係神經刀，可能普遍都會睇好呢場打和機會高，就博大家唔信，再捧曼城開翻冧波膽，贏2:0。
西甲榜尾皇家蘇斯達，暫時仲距離唔使降班嘅第17位（切爾達）9分，睇嚟都無得救。呢輪秩序皇蘇主場對住利雲特，牌面睇呢場皇蘇贏波，可以拖埋對手落水；但見到外圍初盤，皇蘇要讓平/半，真係話要贏就可以贏咩？下游球隊讓波幾時都捧唔過，和波1:1合理。
文：華度
波膽過關3串7
星期六18
富咸和1:1
6倍
星期六20
曼城勝2:0
13倍
星期六52
皇家蘇斯達和1:1
6倍
全中賠率685倍