呢輪因為《新上海灘》紅遍內地嘅黃曉明，日前俾內地周刊影到佢同應采兒去唱K兼見家長，據北京《新浪網》報道，佢兩個月前同華誼兄弟老闆王中磊、旗下藝人林心如一齊唱K，當晚黃曉明媽咪都喺現場，應采兒連曉明家長都見埋，睇嚟兩人關係幾好。其實佢哋由上年拍《鹿鼎記》時已經開始撻着，黃曉明熱烈追求，應采兒都公開大讚曉明好靚仔。