張學友早前接受商台節目錄音訪問，佢講到工作夥伴時話最好嘅係合作多年嘅區丁玉，佢話：「雖然佢𠵱家冇做，但係依然喺我身邊，我哋會通電話同打波。我做演唱會佢會畀好多意見，由我第一日錄音已經係佢做，大家講信任同承受力，即係佢容唔容忍到我脾氣，我又容唔容忍到佢性格，如果有啲嘢我覺得唔啱就唔聽，有啲意見覺得舒服先會去做。」
