薛凱琪（Fiona）下月尾在九龍灣舉行「RoadShowLive薛凱琪音樂會」，昨日她以一身恍如禮物包的打扮到紅磡出席記者會。Fiona透露服裝是由PauleKa贊助，價值超過2萬元，她笑言首次和RoadShow合作舉行音樂會，為了尊重場合，故以盛裝撐場。
讚祖名唱歌好聽
Fiona透露音樂會嘉賓會令人意想不到，舞台布景更會以其睡房作藍本，認真香艷！至於到時會否請緋聞男友房祖名擔任嘉賓，Fiona說：「我請咗佢嚟睇，唔知佢得唔得閒，我都想同佢合唱，因為佢唱歌好好聽，但係唔想令人覺得好似做新聞咁。」有記者取笑Fiona是否房祖名曾在其面前唱情歌，故此她覺得對方唱歌好聽，Fiona即時大反應說：「吓，我聽CD囉，現場好少喎，同佢出街食飯唔通無端端唱歌咩，我冇同佢唱過K。」
採訪、攝影：駱華齡
