上網搵料經常都摷到一啲我哋呢啲後生仔一定唔識嘅嘢，好似網友52966就問神位應該安喺屋企邊度呢？講老實，我屋企無神位，但都想八吓應該安喺邊。有網友就答安喺坐陰向陽嘅地方（即係邊度？），又有人答若果有露台就要安喺露台，究竟應該點呢？玄學家方海閱師傅表示，神位應該坐吉迎吉（即安在吉位）或坐吉迎凶（即安在凶位），若唔知邊度係吉和凶位嘅話，可以將個神位向住大門，若果窗外係望住墳場或者啲三尖八角嘅樓，就不妨將佢向住呢啲位置，藉機擋煞！但要擋煞嘅話，就要安啲有煞氣嘅神祇，好似關公、鍾馗等。
記者：區佩嫦
網址： http://www.discuss.com.hk/viewthread.php?tid=3735518&extra=page%3D2