上星期嚟過香港宣傳新片嘅廣末涼子，前日現身東京六本木，宣傳由佢做代言人嘅健美茶，着住吊帶裙嘅佢喺班正在學瑜伽嘅學生面前出現，佢話環境太寧靜，令佢有啲緊張喎。新廣告裏頭廣末對住舊鞋、舊衫同舊髮型講拜拜，問佢現實中最想同乜嘢講拜拜時，佢冇話想踢走屢傳婚變嘅老公，反而話：「最想同天氣轉變下的傷風菌說再見。」