近年意甲球賽入座率一年差過一年，唔知係咪爆棚場次越嚟越少，偶然有場大波，賣飛就出現混亂。我所講係羅馬下個禮拜主場對曼聯場歐聯，唔少人為咗買飛，前幾日通宵排隊，結果5萬張公開發售門票好快就賣晒；不過，唔同售票站開始賣飛嘅時間竟然唔同，引起好多球迷不滿。唉，堂堂足球大國連賣飛都有混亂，真係要好好檢討。