前愛爾蘭國家隊隊長堅尼，日前狂踩現任愛軍門將基雲，話佢成日霸住個正選嚟踢，唔畀機會啲後生仔。堅尼越講就越火，仲話基雲淨係想儲喼帽，連友賽都霸住晒。基雲如果今晚對斯洛伐克場歐國外上陣，就可以平咗愛爾蘭名宿邦拿嘅門將最多80頂喼帽紀錄；我求大俠係基雲嘅話，咪當有隻癲狗喺度亂吠囉，破完紀錄先慢慢同你計。