冰島今晚喺歐國外作客西班牙，但幾日前球員啲行李俾航空公司搞到亂晒，又寄失又唔見咗啲咁，行李裏面仲要係球員嘅波砵同基本配套，搞到佢哋要喺西班牙買過啲新裝備先有得操練。嗰邊美國國家隊又係遇上同一遭遇，佢哋啱啱飛抵德州應付今晚對危地馬拉嘅友賽，點知同樣係寄失行李，乜𠵱家啲飛機咁唔安全㗎？