袁詠儀（靚靚）自從誕下B仔後，與丈夫張智霖（Chilam）忙於搵屋，近日他們已睇中新居，連日忙於搬屋事宜。前日下午，Chilam駕駛波子Jeep載靚靚外出掃貨，先往宜家傢俬選購家居用品，再到跑馬地一間雜貨店買紅白藍膠袋。其後Chilam開車抵附近的永祥燒臘店，靚靚下車斬料時發現記者，即用銀包掩面，匆匆買後便上車離開。
新居重私隱
近年靚靚和Chilam居於寶雲道酒店管理式豪宅，單位面積近2,400呎，月租約150,000元。昨日Chilam接受電話訪問時坦承搬屋在即，他說：「想搵間屋多少少空間，但都係租樓，等樓市冇咁瘋狂先諗買樓。搬去邊就唔講喇，新屋私隱度會高啲，我冇衫換喇，成日俾狗仔隊影到，喺新居就可以匿埋。」
採訪、攝影：娛樂突發組
