數到大賽決賽周滄海遺珠，人人第一個應該會諗起傑斯。又係嘅，傑斯喺曼聯出道咁耐威咁耐，可惜始終未圓國際大賽夢。噚日威爾斯喺歐國外對聖馬力諾前，佢承認隊波好難出線，但為咗喺國際大賽亮相，佢講明一定會踢2010年世盃外。如果威爾斯踢到嗰屆決賽周，傑斯已經36歲，果然有鬥心，希望佢到時做到世盃超齡新丁啦。