懂得積穀防飢的打工仔都知道要居安思危，衣、食、住、行樣樣都要慳，如果食晏太貴便很難有錢剩，有人帶住家飯返工，有人捱麵包，更多人選擇快餐店或茶餐廳，最怕是去酒樓飲茶，因為動輒消費上百元。
一群打工仔近日在網上討論午飯消費金額，食得太豪負擔很重，Jerrykiki說：「我覺得最多25蚊一餐好啦，但有時同啲同事一齊食飯就無得選擇，尤其去食日本嘢，或者飲茶要成80蚊至100蚊。」abc附和：「係啦！有時同事話一齊去食日本嘢，費事唔合群，惟有一齊去，但食親都70蚊至80蚊，勁貴！」網民RUKAWA較好彩，可以「食平飯」，「我公司喺工業區，所以平啲，20蚊至30蚊就一餐。」MIU索性在公司下廚，「我喺公司煮，10蚊搞掂。」