無綫重播完關詠荷的舊作《陀槍師姐》，同期又推出她主演的新劇《同事三分親》，兩劇反應都不俗。日前有周刊報道指有部份《同》劇演員因不滿外間將功勞全歸於娥姐，特別搞事杯葛她，張家輝得知後，曾試過闖入將軍澳電視廣播城，找這一班藝員算賬。
老婆開心
張家輝昨日接受電話訪問回應這宗報道，並不斷在電話中發出笑聲：「咁都寫得出，作得仲精采過我拍戲啲劇本，我係入過電視城，不過係去接老婆，兼探吓啲舊同事，有乜仇好尋呀！老婆同劇組同事，包括啲藝員都相處得幾好，佢每次返到屋企都係開開心心，我冇聽到佢俾人蝦喎！啲報道睇完咪笑吓囉！」
另外，又有雜誌報道家輝近期失業，故要老婆養家，家輝回應說：「好心唔好作得就作，我留家湊女都係因為我錫個女同老婆。」
撰文：葉雪