仍然未同妻子竹內結子辦妥離婚手續嘅日本男星中村獅童，今個月中俾人目擊喺新宿歌舞伎町一間夜總會度飲酒解悶。當日心情麻麻嘅中村獅童，搵咗一個貌似水着女星若槻千夏嘅靚女陪坐，不過佢對嗰位靚女似乎冇乜好感，大彈對方髮型同髹到五顏六色嘅指甲核突。中村因為飲酒惹嚟周身蟻，都係奉勸佢早日戒酒好啲。