藝人跟fans的關係可謂唇齒相依，要靠fans的支持，但又怕fans過份熱情嚇怕自己。日前有劉德華的內地fans和父母專程來港欲跟偶像見面，但事情並不如意，其父結果跳海身亡。楊千嬅聞言後感到震驚，森美就呼籲其他fans切勿有樣學樣。
日前有一家三口專程持雙程證來港旅遊，並欲跟偶像劉德華會面，可惜事情並不如意，又用盡盤川，最後年逾七旬的父親在尖沙嘴天星碼頭附近跳海自殺，留下妻子及女兒。
「唔知好難見」
身為年輕人偶像的楊千嬅昨日在無綫出席節目《殘酷一叮》的開鏡拜神，對於內地fans作出瘋狂舉動感到驚訝，她說：「咁個女點呀？咁得人驚，佢傾家蕩產？相信係有原因，呢個係一個悲劇，通常有歌迷想見我，都係透過啲慈善機構好似『願望成真』基金咁，我會喺唔係official時間去見佢哋，最緊要係我知道，唔知就好難見到。」
另一主持森美說：「呢個真係粉絲王，我反而擔心佢個女，始終要人照顧，希望啲fans唔好學。」
「不要太激進」
此外，張敬軒、王菀之及張繼聰等昨日在土瓜灣為音樂會綵排，張敬軒說：「可能係小朋友想要乜嘢就畀佢，唔一定要傾家蕩產，或者可以選擇去睇演唱會、寫信等方法，用積極啲方法見偶像都得。」
將為人父的張繼聰就稱此事是悲劇，歌迷鍾意自己喜歡的歌手是好事，但千萬不要太過激進。王菀之坦言聞訊後震驚，她道：「希望唔好再有下一單，作為歌手，接見歌迷永遠唔係易事，所以件事冇啱定錯。」
採訪、攝影：楊潔雯、駱華齡
