昨日公布無綫、亞視上周收視，無綫黃金時段劇集收視有回落迹象，產後復出嘅關詠荷（左）主演嘅《同事三分親》，同埋另一套由劇帝鄭嘉穎劇后黎姿主演嘅《寫意人生》，都係跌1點，平均有26點收視，約有175萬人次收睇。表現平穩嘅算係由吳卓羲、胡杏兒同埋陳錦鴻等主演嘅《亂世佳人》，仲可以維持30點收視，約194萬人收睇。