台灣歌手林沖噚日到新城電台接受訪問，佢今次嚟香港主要係傾推出新唱片嘅細節，另外就係同薛家燕（好姨）商量下月為博愛醫院嘅合作演出。林沖話𠵱家喺台灣間中都有參與電視節目演出，除此之外佢開咗間電腦公司同設計公司。至於空閒時，林沖鍾意種蘭花，為咗培植出靚嘅蘭花，佢仲喺屋企起咗間溫室。