時間：96年
地點：《南洋第一邪降》探班現場
人物：蔡美蘭
經過：有紫色乳牛之稱嘅艷星蔡美蘭，最鍾意利用佢嘅巨胸搞宣傳博出位，記得96年佢喺記者面前大玩倒豎葱，因為地心吸力，佢嘅咪咪喺件大領貼身衫度跌咗出嚟，搞到露埋乳暈，認真羞家。
對於呢啲咁瘀嘅嘢，乳牛蔡美蘭不單止唔尷尬，佢竟然仲厚住面皮，猛話嗰啲係奶癬。事緣蔡美蘭當年要喺電影《南洋第一邪降》入面有性感演出，為咗出鏡嘅美感，佢自爆脫咗身上、面部、胸部一共14粒癦屎，佢話：「費事咁礙眼，除咗衫一點點喺胸前唔好睇。」
當時記者好關心蔡美蘭脫咗胸前嘅癦會唔會有疤？佢話：「個胸有癦好正常。」跟住提番起記者上次影到佢露乳暈，佢好緊張咁澄清：「上次我做倒豎葱，影到胸前嗰撻，絕對唔係乳暈，只係咁啱嗰排皮膚生癬咋，邊有人嗰點咁大㗎？」
蔡美蘭又唔係BB，咁大個人又點會生奶癬，所以佢呢個答案都幾無厘頭同牽強。有時娛樂圈真係要有呢類騎呢人物先夠娛樂性，可惜佢近年已無聲無息消失咗。
本欄逢周一至周六刊出