平日行內衣騷當食生菜的混血名模Rosemary，竟然「縮沙」認保守！昨日她在中環示範JanLogan首飾時，被問到同行姚書軼（MikkiYao）在不知情下被刊登露點相，她稱自己凡事小心，底線僅是露背，雖然認同長髮遮兩點這個甫士很有型，但要過多幾年才夠膽一試。
混血名模Rosemary及交了個富貴男友、「玩具城」老闆鄭躬明的陳君宜，昨日往中環ifc示範首飾品牌JanLogan最新系列，早前為品牌飛往澳洲拍宣傳照的Rosemary，更佩戴了價值24,000元、設計師特別為她設計、名為「瑪麗皇后」的首飾。
「最多露背」
問到早前另一名模姚書軼拍下的露點照在不知情下被刊登，Rosemary說：「我都有幫呢個攝影師影過相，不過就梗係冇露點，我唔擔心呢啲事發生喺我身上，因為我做嘢例如換衫時會好小心，而且我嘅底線最多係露背啫。」
Rosemary續說：「其實我覺得模特兒用長髮遮住兩點呢個甫士都好有型，不過我暫時都冇膽試，或者等我過幾年有膽量，同埋嗰時仲keep得好好先影啦，𠵱家都係保持番啲神秘感好啲。」
陳君宜則透露剛由泰國打高球回來，所以皮膚曬黑了不少，問到有沒有膽量拍性感裸照？她說：「少少性感有美感可以接受，太暴露嘅男友會唔鍾意。」
採訪、攝影：KennethCheung
