皇家馬德里教頭卡比路剛愎自用，已經搞到神憎鬼厭，今季完咗之後極有可能成為「失業漢」。舊年撬呢位名帥回巢執教嘅球會會長卡達朗，日前終於承認捉老鼠入米缸，話自己睇錯人，搵卡比路返嚟帶波的確係錯誤嘅決定咁話。講句公道話，卡比路係爭唔落，但卡達朗唔通冇責任咩？衰啲講卡比路只係佢嘅代罪羔羊！