前瑞典國家隊女足教練莉科絲，嚟緊好有機會成為中國女足主帥，聽講單嘢會喺呢個禮拜內完成；如果莉科絲傾好晒所有條款，佢將會係中國女足歷史上第1個外籍教頭。莉科絲來頭絕對唔少，曾經帶過瑞典女足打入03年女子世盃決賽，可惜最後輸俾德國。呢期中國女足戰績咁差，希望莉科絲做到嘢啦，不過使唔使搵定繙譯先？