歐國外雖然仲有排踢，不過𠵱家小組已呈混亂，當中包括D組；捷克一敗，愛爾蘭一勝，一來一回，愛爾蘭重燃生機！
D組，我認為一定係德國同捷克出線！相信各位都會認同；不過，這是我上星期六嘅睇法，因為𠵱家愛爾蘭殺緊上嚟！愛爾蘭，傳統嘅英倫踢法，如果大家有睇上場比賽，其實佢哋表現真係唔係幾好，只係客隊威爾斯根本俾唔到壓力愛爾蘭後防；今晚面對實力接近嘅斯洛伐克，愛爾蘭會面對考驗！
自從高斯恩上年11月上任，呢位前捷克斯洛伐克名宿一場都未輸過；贏保加利亞3:1，同波蘭打成2:2，攻力大家有眼睇。雖然都唔係好知啲球員係乜水，不過東歐波，點都有啲保證，所以我就會要下盤，如果覺得太大貪，要入球「大」亦可！另外，意大利對蘇格蘭絕對係五五波，擅於死守及偷襲對手嘅蘇格蘭，呢場應該係防守技術嘅大比拼，入球我會估「細」，一球定勝負，而我嘅愛隊捷克，主場我諗唔會再輸，可試吓「主勝」！
周鵬
商業1台《球迷集中贏》主持
電郵：[email protected]