鄭伊健昨日在九龍灣德福廣場出席「地鐵商場─手塚治虫締造經典漫畫世界」揭幕禮，大會邀請了手塚治虫的兒子手塚真首度蒞臨香港擔任揭幕嘉賓，伊健更獲對方贈送限量版「怪醫黑傑克」公仔。
原來手塚有留意伊健的電影作品，指他以前的長髮似黑傑克，絕對是演繹此角色的適合人選，伊健就伺機表示有意購買「怪醫黑傑克」的電影拍攝版權。
伊健說：「我想做導演拍呢個題材多過演出，不過最重要係買到版權，睇吓得唔得先算啦！就算係我諗都要之前拍幾個作品，有咗經驗再去挑戰，至於係咪自己演埋呢個角色，我覺得好難喺呢個時間去做，我啲頭髮有排至留番長。」
對於伊健有意購版權一事，手塚真透過繙譯表示細節可以慢慢傾，但他表明伊健的勁敵很多，因日本有不少人有興趣演黑傑克。
「由細到大都好順利」
此外，最近有周刊報道有相士指蒙嘉慧會帶旺伊健的運程，問伊健是否覺得女友腳頭好？他甜絲絲說：「自己開心咪得囉，我一向都好開心，亦覺得自己好旺，由細到大都好順利。」
採訪、攝影：魯萍
