國產女星「張紙」無論喺事業或者感情上，都出晒名力爭上游，先至有今時今日。關仁雖然某程度上唔係好欣賞佢嘅行為，但係佢嗰種拼搏精神，又唔到你唔服。早兩年佢為咗拍嗰套「數字電影」，電影公司專登搵咗位資深老師教佢跳舞，教完之後，老師想同佢影張合照，但張紙即時拒絕，驚死人哋黐佢金糠咁。
跳舞天份高
嗰位老師當時個心梗係好唔舒服啦，覺得張紙擺款，不過老師之後同人講番，話張紙學跳舞時好認真，而且真係好有天份，學咗三個鐘就上手，仲即時可以學第二種舞，佢仲話如果張紙肯花多少少時間學嘅話，一定會跳得更出色。不過最終呢啲跳舞戲份，數字電影入面冇出現過，可能係導演臨時改變主意改咗劇情，所以大家無緣欣賞佢跳舞嘅風姿。