名媛也拍廣告，本地模特兒又多兩名對手了！平日像花蝴蝶般穿梭社交活動的葉維義太太葉梁美蘭及何鴻章媳婦、「豹嫂」Wendy，早前為本地名店HarveyNichols擔任廣告模特兒，收六位數字酬勞的葉梁美蘭坦言接拍這廣告是因為信任攝影師夏永康，所以一拍即合，更親身體會Model唔易做。
平日穿着靚靚，如花蝴蝶穿梭大小社交活動的新昌營造主席葉維義的太太葉梁美蘭，及何鴻章媳婦、何豹太太「豹嫂」WendyHotung，早前獲本地名店HarveyNichols邀請，粉墨登場當起模特兒，廣告日前已經在報章及雜誌刊登，兩位靚太做回她們常做的事，在大堆華衣美服前整裝待發。
畀面潘廸生
昨日記者致電葉梁美蘭，她大談首次任模特兒的苦與樂時說：「可以拍呢個廣告係我嘅榮幸，因為我同潘生（HarveyNichols老闆潘廸生）好熟，又一向有幫襯佢哋買嘢，佢叫到我覺得不妨一試啦，加上攝影師係夏永康，我對佢好有信心，所以好爽快應承咗。」
葉梁美蘭表示這次拍廣告有六位數字酬勞，與拍檔「豹嫂」Wendy本來只是點頭之交的她，共對超過12小時也變得熟絡，葉梁美蘭說：「原來影輯廣告相真係唔簡單，我哋嗰日影足12個鐘，影咗百幾張相到頭來只揀咗一、兩張，阿Wing（夏永康）話概念就好似模特兒臨出場前10秒作最後準備，佢要求我哋多啲表情動作。」
盛讚夏永康
葉梁美蘭續說：「我又未做過模特兒，初初唔知點擺甫士，不過阿Wing的確係高手，佢捕捉我哋嘅表情動作都好好，拍呢個廣告咪當做日後一個紀念囉。」
採訪：JessicaNgan
