近個星期最「騎呢」的新聞，應該都係有立法會議員要求政府「磅水」，買球賽轉播權以供市民免費欣賞。當然，足球及足球博彩現在廣受歡迎，所以報紙體育版發展蓬勃，連帶我這種不懂足球的人，也有幸參與寫寫方塊文章。那麼，政府出錢讓大家免費有波睇，讓廣大球迷受惠，不是德政嗎？
破壞市場自由競爭
不過，實際足球與商業規則已不可分離，點解西甲、英超咁好睇？因為使得起錢亦賣得起錢，才有資源打造高水準賽事。
電視台出錢競投亦一定計過數，如果播波可帶來天價廣告收益，免費頻道都一樣會去爭啦。要求政府出錢買轉播權，表面睇是打破壟斷，扶助貧者有波睇；實際是動用公帑來破壞市場自由競爭的規則。
再者，點解議員提議揀英超、西甲來播？我鍾意睇意大利波！仲有，以甚麼標準來每月揀1場賽事？如果實行，立法會豈非要為此開會辯論投票？荒謬程度簡直可媲美當年有議員提議拆掉跑馬地馬場來起樓。
張美德
記者出身的著名馬評人，現職馬會節目主持人。