傅明憲昨日帶同愛犬比目魚往大埔船灣淡水湖出席「開心狗狗慈善步行2007」活動，怎料比目魚卻十分失禮，傅明憲上台致辭時，比目魚竟然在台上「便便」，要菲傭即時上台「執金」。傅明憲又透露陪伴了她15年的另一隻愛犬曼波患了腎癌，可能只剩下三個月壽命。
傅明憲昨日聯同歌手鄧穎芝及商台DJ阮小儀等，帶同愛犬齊往大埔船灣淡水湖出席「開心狗狗慈善步行2007」活動。以愛護動物協會主席身份參加的傅明憲，昨日以BB車載着愛犬比目魚到場，其後傅明憲還帶牠上台致辭，怎料比目魚竟在眾目睽睽下「便便」，要勞煩菲傭即時上台「執金」。
另一愛犬患腎癌
一臉尷尬的傅明憲事後即怪責自己說：「都係我唔好，今朝趕住出門口，比目魚食完早餐之後冇放佢去方便。」她透露家中相伴15載的愛犬曼波證實患上腎癌，令她憂心不已。傅明憲說：「曼波係我養咁多隻狗之中，陪我最耐嘅，醫生話人同狗唔同，冇得換腎，𠵱家我帶佢去睇中醫，中醫惟有用草藥同針灸幫佢吊命，醫生話好彩嘅話仲有半年至一年命，唔好彩嘅就可能得番三個月命。」
小狗坐牢變躁狂
傅明憲續說：「我本來計劃同父母出外旅行，𠵱家為咗照顧曼波，旅行計劃都取消咗。」問她丈夫葉劍波可知曼波患癌一事？她說：「我有通知佢，佢去咗公幹，其他私人事唔講。」
另外，鄧穎芝昨日帶同史納莎愛犬蝦米參加慈善步行，她透露頑皮的蝦米曾坐牢一個月，她說：「因為蝦米試過咬傷我媽咪嘅麻雀腳，有人受傷梗係要報警啦，所以蝦米就要罰坐監一個月，佢出咗嚟之後變得好抑鬱同躁狂。」
採訪、攝影：吳天慧
