【本報訊】少女疑被嘲肥妹及難買衫憤而自殺，青年工作者及心理學家均批評時下瘦身纖體廣告扭曲社會對美的價值觀，對青少年心智有深遠影響，社會有需要改變此歪風。
自信美更重要
資深青少年及性教育工作者程翠雲指時下不少纖體廣告脫離實際：「就算你減到得90磅，佢哋都會話𠵱家要89磅先係靚，你冇可能達到標準，如果唔係點𠱁人繼續幫襯？根本係洗腦。所謂美嘅標準即係纖體公司定嘅商業標準，對女性係好大侮辱。其實只要有自信就係靚，唔關肥瘦高矮事。」
兒童及青少年心理學家朱嘉麗亦說，青年人重視其個人形象，介意別人對自己外表的批評，亦容易將別人中性說話當成批評：「𠵱家啲衫越做越細件或者冇做大碼，sales只係話冇碼，佢哋就會覺得『你即係話我肥啫』，患抑鬱症嘅人會更加入耳，令佢哋諗埋一面。」
百貨商業僱員總會外務總幹事長鄭乃恩認為事件未必與售貨員的說話或態度有關：「售貨員點會倒自己米呢？或者只係言者無心、聽者有意。」他相信業界不會當着客人面前作出批評或說出傷害客人自尊的說話。