80年代紅極一時嘅武打女星李賽鳳，同老公羅啓仁（右）搞嘅動作音樂劇《兵馬俑》5月喺香港公演，最近佢返咗嚟香港四出宣傳，日前接受港台訪問講到新一代女打星嘅最佳人選時，李賽鳳就大讚章子怡（小圖）話：「除咗章子怡，再數都冇乜幾個，佢係跳中國舞蹈出身，有舞蹈嘅根底，身體節奏感會好啲，佢嘅表現好唔錯。」