小小超李澤楷舊年想將8號仔賣盤，搞到呀公好唔高興，後尾仲出現老竇借錢畀個好朋友梁伯接咗佢檔嘢嚟做，整到成單刁好似超級粵語長片咁好睇，結果唔去到結尾都唔知。不過最終賣唔成，玩完一輪，一切回復正常。呢單嘢話咁快又一年，楷楷揸fit嘅8號仔星期三派成績表，但佢話明到時唔會列席，留畀阿JackSo主持大局，不過佢話唔係驚俾人質問今後發展策略，同埋會唔會再賣公司資產呢啲問題喎。
可能呢輪大家見得楷楷最多嘅新聞，係行政長官選委會，同埋台中選婿嘅新聞，不過佢同華華講，5月AGM一定會出嚟見小股東，同大家講清楚會點搞好8號仔，各位李生「粉絲」不妨畀多少少耐性！