樓市有升無跌，的確苦了一班業主，喺街上經常見到一啲銀主盤嘅招紙，價錢吸引，搞到唔少買樓初哥心郁郁。上網見到網友「我愛自由」質疑銀主盤係咪風水唔好，如果好風水住喺入面嘅人就唔會無錢斷供，係咪？玄學家方海閱師傅表示，銀主盤唔一定風水差，因為人有人運，地有地運，即使地運幾好，但人運差嘅話，都會拖垮地運，令層樓變成銀主盤，所以銀主盤唔一定風水差。反而凶宅就一定唔好，因為一啲負面嘅磁場會留喺屋內，若你自問煞氣重、膽大包天冇有怕嘅話，都可以揀凶宅住嘅！不過我就無咁嘅膽量！
記者：區佩嫦
網址：http://www.discuss.com.hk/viewthread.php?tid=3718710&extra=page%3D4