童愛玲及郭錦恩昨日分別帶同兒子Kyle及女兒Red往九龍塘又一城，出席復活節品味世界活動，兩位媽咪與同是3歲半的子女合力炮製復活蛋，兩位小朋友十分饞嘴，一邊弄復活蛋一邊偷吃朱古力。
忙於在內地拍戲的童愛玲表示為了一盡母親責任，不時為陪兒子一天內香港、內地兩邊走，她說：「我今朝凌晨3點先喺番禺趕番嚟，聽日又要返去再拍，另外上個禮拜係英國母親節，我為咗個仔又喺內地朝早5點返香港，啱啱好趕得切出席個仔學校活動，佢仲親自畫咗張卡同自製咗支康乃馨送畀我㖭。」
子女常打交
郭錦恩則透露近日子女經常打交，令她忙上加忙，她說：「本來早排我做嘅舞台劇《VV勿語》，高志森話想喺7月再度公演，但係我每年7月例必到美國探屋企人，所以叫佢再度期。」
採訪、攝影：JessicaNgan