陳友父親陳錫椿喺本月6日病逝，享年90歲，噚日陳友（右）為父親喺世界殯儀館設靈，採基督教儀式，靈堂以白色為主，布置相當高雅。陳友同囝囝陳良韋（左）噚日一身黑色素服，喺4點幾到殯儀館，其實陳友父親年事已高，佢哋一家人嘅心情都好快平復，不過陳友喺靈堂內講及父親生前為人開朗，一度哽咽，在座的無綫高層樂易玲也眼濕濕。