呢幾年啲車行為咗促銷，都下咗好多工夫，先有最實際嘅調低售價，跟住又話幫部車加裝Option配備，但繼續以原價發售，誓要造成「新車一推出，全城皆哄動」嘅景象。
初時我仲以為淨係代理先會咁做，哈，點知連水貨車都搞搞新意思嚟促銷佢哋旗下嘅新車；好似多年嚟一直以灣仔做根據地嘅富利堡咁，佢哋最近推出咗一款ToyotaAlphardCarnivalEdition，除咗皮座、天窗同恒溫冷氣呢啲豪華設備佢都有齊之外，嗰台3.0V6引擎又好力，售價方面則係$389,000起。
至於Offer方面，就係買車即送你8張現正喺中環添馬艦舉行嘅AIA香港環球嘉年華入場券，等你可以揸住部新車，載晒屋企人或者親朋戚友玩個夠，但要記住數量有限，送完即止喎！
記者：鄭達基
查詢：富利堡汽車（28776700）